جديد

أماكن للتصوير في مصر

أماكن للتصوير في مصر

أماكن للتصوير في مصر

أماكن للتصوير في مصر

أماكن للتصوير في مصر

 

١ – في اماكن كتير جميله في مصر و ناس كتير مسمعتش عنها قبل كده 

منها الدير اللي موجود في الصوره دا .. دير الأنبا سمعان في المقطم
المميز في الدير دا انه اكبر دير في مصر و انه منحوت بالكامل في صخر جبل المقطم و مساحته ضخمه جدا كمان

المكان مميز جدا و ممكن تصوروا هناك صور رائعه و خاصه لو صور بانوراما smile emoticon
الدير دا موجود في منطقه المقطم – منشيه ناصر في حارة الزبالين

و خريطه المكان هتلاقوها في اول كومنت smile emoticon
ايه رأيكم ننزلكم مواضيع عن اماكن مميزه للتصوير في مصر؟
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم
الصوره من تصوير: Hoba offendum

الأسكندرية

الأسكندرية

2 – معظم مصوري الأسكندريه بيركزوا علي اماكن معينه في التصوير زي المنتزه مثلا ..

لكن الأسكندريه مليانه بأماكن تانيه رائعه للتصوير .. زي ورشة صناعة السفن مثلا
دي موجوده قريب من قلعة قايتباي علي جانبي كورنيش البحر .. هتلاقي اكشاك خشب بشكل منظم و كل ما تقرب منها اكتر هتلاقي وراها عالم متكامل من صناعة السفن البحريه اللي اشتهترت بيها منطقة الانفوشي و الميناء الشرقي

و صناعة السفن بتجذب عدد كبير من الناس علشان يتعرفوا علي مهنه من المهن العريقه جدا عمرها اكتر من ١٨٧ سنه

ممكن تزوروا المكان هناك و هتطلعوا صور رائعه و جديده سواء للسفن نفسها او البورتريه للعمال و ممكن كمان بانوراما للبحر نفسه و كمان ممكن تصور العمال و هما بيشتعلوا
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

الأسكندرية

الأسكندرية

٣ – في أماكن كتير حلوه في مصر و كتير مننا مسمعش عنها قبل كده

منها حديقة الأندلس اللي موجوده في الصوره .. الحديقه دي من أجمل حدائق القاهره مساحتها فوق الفدانين و موجوده في مكان مميز جدا بالقاهره (في الزمالك) فوق كبري قصر النيل
و لأنها بتطل علي النيل .. اللون الأخضر مع المياه الزرقاء بيعملوا منظر بانوراما رائعه
الحديقه دي استخدموها كتير في تصوير الأفلام و الحفلات الغنائيه

تصميمها مميز جدا علي الطراز الأندلسي و مقسمه الي ٣ اجزاء، منها:

– “الفردوس”: و دي فيها اشجار معمره اكبر من ٧٠ سنه
– الجزء الفرعوني: و دا فيه مجموعه من التماثيل الفوعونيه و مساحات خضراء
– الجزء الاندلسي: و دا بيضم المدرجات اللي في الصوره

كمان الحديقه بتضم ٤ نافورات بتدي اشكال مميزه في التصوير خاصه بالليل
الحديقه دي ممكن تستخدموها في تصوير البانوراما و البورتريه و لاند سكيب و ممكن كمان في تصوير ال photo sessions
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

اماكن_تصوير_في_مصر

اماكن_تصوير_في_مصر

٤ – مين منكم سمع عن متحف قصر الأمير محمد علي؟

القصر دا من أجمل و اهم المتاحف التاريخيه في مصر و متميز بالتصميم المعماري بتاعه الرائع لأنه مبني علي الطراز الاسلامي و فيه الروح الفارسيه و السوريه و المغربيه
كمان الزخرفه العثمانيه الموجوده في القصر اكتر من رائعه

القصر دا موجود علي الفرع الشرقي للنيل في جزيرة “منيل الروضه” و مساحته كبيره جدا
المبني فيه قاعات متعدده و كل قاعه مميزه بالزخارف و الديكورات الجميله
كمان القاعات مليانه بالتحف و الزخارف و المنسوجات و الاثار

اما الحديقه نفسها فيها نباتات رائعه
ممكن تروح هناك تصور تصوير معماري خارجي للقصر نفسه او تصوير معماري داخلي للقاعات الموجوده في القصر او حتي تصور بانوراما و كمان HDR او حتي تدمج الاتنين في بعض و تصور بانوراما HDR و هتكون النتائج مختلفه و جديده و رائعه grin emoticon

المكان دا فعلا رائع و جميل و لازم تروحه
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم
و خريطه المكان هتلاقوها في اول كومنت

اماكن_تصوير_في_مصر

اماكن_تصوير_في_مصر

٥ – الفيوم مكان ملهم لأي فنان بيعشق التصوير .. علشان جمال الطبيعه هناك ….

و هناك في قرية “تونس” علي بعد ٦٠ كم عن مدينه الفيوم و بتتبع مركز يوسف الصديق و اللي تعتبر من أكتر الأماكن الجميله في الفيوم

القريه بسيطه جدا بيوتها مبنيه بالطوب و هي عباره عن لوحه فنيه حقيقيه .. فيها زرع و خضرة و مياه زرقاء و صحراء و كمان شجر و نخل

و دي بتبقي ممتازه في صور لاندسكيب و كمان تقدر تصور بورتريه لأهل القريه نفسهم ..
القريه فيها أنواع فنون كتير هناك من أهمها الخزف و الرسم و ممكن تروح هناك للورش دي علشان تصور او علشان تجرب بنفسك النوع دا من الفنون

و ممكن كمان تصور الطيور علي بحيرة قارون .. لازم تجربوا المكان هناك في قرية تونس و اكيد هتستمتعوا
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

اماكن_تصوير_في_مصر

اماكن_تصوير_في_مصر

٦ – تخيل انك تروح صحراء فيها هياكل عظميه لحيتان بقالها 40 مليون سنه؟!!!!

المكان دا اسمه وادي الحيتان رغم ان المكان صحراء دلوقتي لكنه كان جزء من محيط بيشمل شمال افريقيا
و الوادي حاليا مشهور بوجود حفريات حيتان كامله كانت في المكان قبل 40 مليون سنه و كمان حفريات بحريه .. يعني كأنك ماشي في قاع محيط بالضبط
و تم تصنيف الوادي دا انه من افضل مناطق التراث العالمي للهياكل العظميه للحيتان
الوادي كمان فيه حيوانات و طيور مهدده بالانقراض و مكانه علي بعد 70 كيلومتر من بحيره قارون بمحافظه الفيوم بالقرب من جبل جهنم
المكان هناك حقيقي رائع و منظر الجبال هناك و الصحراء و التكوينات الصخريه مميز جدا و اكيد هتصور صور مميزه
تقدر تصور هناك الصخور و الجبال و المناظر الطبيعيه و الحفريات
و كمان تقدر تستغل الطبيعه الصحراويه دي في تصوير النجوم بالليل
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

٧ – تخيل انك تروح مكان ليه طابع و فن تراثي اصيل .. مكان كله روحانيات و اناشيد و ذكر

المكان دا موجود في وكالة الغوري بالقرب من خان الخليلي في منطقة الحسين .. المكان كله مليان بالتراث المصري الأصيل و هناك في الوكاله دي بيكون في عرض من عروض التنوره و دي اللي هنتكلم عنها …
التنوره من أجمل الاحتفالات اللي ممكن تحضرها

و دي بتكون اسبوعيا ايام السبت و الاتنين و الاربع – الساعه 6:00 م

و اجمل حاجه فيها انها بتتميز بطابع فريد في نوعه لأنها بتعتمد علي حركات دائريه تنبع من الحس الاسلامي الصوفي و كمان الفرقه بتقدم العروض بتاعتها بمصاحبة مجموعه من الالات الموسيقيه الشعبيه زي الربابه و المزمار و كمان بيكون في منشد ديني يعني هتحس بجو مختلف و هتستمتع بالعروض المميزه و الانشاد و كمان بالتصوير

صور التنوره مميزه باظهار الحركه بتاعتها و كل صوره هتلاقي ليها طابع و جمال مختلف صعب تلاقيه في اي صوره تانيه .. كمان الجو هناك بيضيف احساس معين للصوره بيوصل للمشاهد اول لما يشوفها
جربوا تحضروا عرض من العروض دي و اكيد اكيد هتستمتعوا
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

٨ – لو رحت شارع المعز في منطقه قريبه من خان الخليلي هتوديك لبيت السحيمي اللي هو هنتكلم عنه النهارده ..

 

بيت السحيمي هو عباره عن بيتين مفتوحين علي بعض اتبنوا في القرون ال ١٧ و ال ١٨ و علشان موقع القاهره الممتاز علي الطريق التجاري طبعا كان سكان البلد عايشين في بيوات راقيه و تصميماتها جميله .. و بيت السحيمي مثال ليهم

بيت السحيمي مفتوح كمتحف و كمان بيتم فيه عروض متنوعه للتنوره و عروض و حفلات و مسرحيات علي مدار السنه

اول اوضه في البيت عباره عن مدخل فخم بسقف عالي و نجفه طويله و مشربيات خشب مزخرفه بتدخل ضوء خفيف و بتتداخل مع الجدران الحجريه

الدور الاول في المبني فيه مجموعه غرف فخمه جدا و الدور التاني فيه غرف فيها سجاد و اثاث و تحف
و متنساش كمان بعد لما تزور البيت ان في ركن بيعرض صور بتوضح البيت قبل و خلال و بعد التجديدات اللي اتعملت عليه

و لينك الخريطه موجود في اول كومنت
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

٩ – مين سمع قبل كده عن قصر محمد علي في شبرا؟

القصر دا جوهره معماريه فعلا .. مساحته ضخمه حوالي ٥٠ فدان و يعتبر تحفه معماريه نادره علي مستوي العالم
لأنه جمع في عمارته و الفنون بتاعته بين العالم الاسلامي و الغربي .. عمر القصر دا حوالي ٢٠٠ سنه
و اتبني علي نمط جديد زي قصور الحدائق في تركيا ..

و بيعتمد التصميم علي حديقه كبيره محاطه بسور ضخم و فيها مباني كل مبني فيهم ليه صفه معماريه خاصه
و المميز في القصر هو حديقه سراي الفسقيه و هي عباره عن حوض مياه كبير مبطن بالمرمر الابيض و مرفوع علي تماثيل تماسيح ضخمه و في وسطها نافوره
القصر منفرد في جمعه بين الاسلوب الاوروبي في الزخارف و بين روح التخطيط الاسلاميه

لأن القصر مبني بروح المسجد اما الرسوم و الزخارف متنفذه بأسلوب ايطالي و فرنسي
و من الروائع اللي بيضمها القصر لوحات اثريه لمحمد علي و اسرته
و برج الساقيه المبني علي ارتفاع كبير علشان يشغل نافورة الفسقيه
المكان هناك رائع – تقدر تصور فيه كل انواع التصوير اللي ممكن تتخيلها

مين زار قبل كده القصر دا؟
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم
و خريطه المكان موجوده في اول كومنت

١٠ – روحتوا قبل كده قلعه قايتباي؟

القلعه دي موجوده في غرب الأسسكندريه و اللي بناها السلطان ابو النصر قايتباي في نفس مكان منارة الاسكندريه القديمة و تعتبر من أجمل القلاع الحربية في حوض البحر المتوسط

تخطيط القلعه مثمن و فيها برج مربع في الجهه الشماليه و كل ركن فيه برج صغير مستدير و فوقه حوائط علشان رمي الأسهم

و القلعه نفسها عبارع عن ٣ أدوار
الدور الأول دا المسجد و دا يعتبر اقدم مسجد معروف في الأسكندريه

اما الدور الثاني فيه الممرات و القاعات الدفاعيه للقلعه
و الدور الثالث دا كان بيضم حواصل للجنود و مطبخ و طاحونه
المكان هناك ينفع لكل انواع التصوير خصوصا لأن المياه محيطه بيها من ال ٣ جوانب و دا بيدي منظر رائع في الصور

تقدر تصور المبني نفسه تصوير معماري و الدفاعات الموجوده عند القلعه و تقدر كمان تصور
HDR
و باتوراما للقلعه و البحر و تقدر تصور القلعه من جوا او تصور البحر من فوق القلعه .. في افكار كتير رائعه تقدر تصورها هناك ..

دا كمان موقع تقدر تزور منه القلعه كلها و انت في مكانك و دا بالمناسبه معمول بطريقه تصوير البانوراما ٣٦٠ درجه wink emoticon
http://www.3dmekanlar.com/ar/fort-qaitbey.html
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

اماكن_تصوير_في_مصر

اماكن_تصوير_في_مصر

١١ – مين فينا مراحش خان الخليلي قبل كده؟!

السوق دا من أشهر الأسواق السياحيه في مصر .. و هو عباره عن شارعين متوازيين عرض كل واحد فيهم حوالي مترين
و يعتبر السوق من أروع الأماكن الأثريه اللي ليها طابع خاص ..

مليان عراقه و جمال .. و تجمع كبير لمبدعي الصناعات الحرفيه الصغيره و فيه كم مذهل من القطع الفنيه المصنعه يدويا
خان الخليلي منطقه شعبيه جميله جدا هترجعك لجو الماضي و التراث و الفن المعماري و حقيقي هو من أروع الأماكن اللي ممكن تزورها و تصور فيها ..

ممكن تستمتع بتصوير البورتريه و العمال و هما بيشتغلوا بحرفيه و كمان تصور الشوارع هناك و المعروضات ..
و متنساش بعد ما تخلص جولتك التصويريه تشرب كوبايه شاي من قهوة الفيشاوي wink emoticon
لو الموضوع عجبكم اعملوا لايك و شير و متنسوش تزوروا الاماكن دي و تصوروا و تورونا النتائج بتاعتكم

 

١٢ – من أكتر الأماكن اللي بنحب نصور فيها هي .. الأزهر بارك

 

 

علشان كانت فيها اول رحلة تصوير عملها النادي ١٠ سبتمبر ٢٠١١
و اتعرفنا فيها علي مصورين كتير و تبادلنا فيها الاراء و الخبرات و كان معانا مصورين كتير محترفين و قضينا هناك وقت مميز جدا

الأزهر بارك من أجمل الحدائق في مصر .. و مميزه عن اي مكان تاني بمساحتها الكبيره و الطراز الاسلامي العتيق من أول البوابات و النافوره المسطحه دا غير المرتفعات اللي هناك اللي تقدر تشوف منها مصر كلها
حقيقي الأزهر بارك مكان اكتر من رائع و لازم تزوره .. لينك الخريطه موجود في اول كومنت

تقدر تصور فيه كل أنواع التصوير اللي ممكن تتخيلها يعني تقدر تصور لاندسكيب و ماكرو و رسم بالضوء و بورتريه دا غير ان الجو هناك ممتع جدا و مريح للأعصاب و هيساعدك جدا في التصوير

اماكن_تصوير_في_مصر

اماكن_تصوير_في_مصر

١٣ – احلي طريق ممكن تمشي فيه هو شارع المعز ..

و دا من اكتر الأماكن اللي بنحب نروح نصور فيها ..
الطريق فيه عطر الماضي و عراقته .. و يدخلك في عالم فريد .. كل حاجه جواه بتحكي قصه

شارع المعز كبير جدا و بيبدأ من باب الفتوح و يكمل لمنطقة النحاسين و خان الخليلي و بينتهي بباب زويله و طوله بيوصل لاكتر من ١٠٠٠ متر .. تخيل؟!!!

الشارع مليان بمناطق اثريه كتير مهمه منها مسجد الحاكم و منزل مصطفي جعفر و بيت السحيمي و مسجد الظاهر بيبرس و جامع الأقمر و اخيرا جامع السلطان برقوق

كل مكان فيهم ليه طابع خاص و مميز دا غير البارارات و المعروضات اللي هتشوفها علي طول الطريق
هتستمتع بتصوير المناطق الاثريه و المعماريه و تصوير البورتريهات و الزخارف الاسلاميه و متنساش تكرر الزياره لأن في اماكن كتير هتستمتع بيها

برقاش

برقاش

١٤ – لو عايز تشوف حاجه جديده و مميزه و ناس كتير متعرفهاش روح سوق الجمال اللي اسمه “برقاش

و ده سوق للتجاره عمره آلاف السنين و يعتبر اكبر اسواق الجمال في العالم – السوق دا موجود في غرب الجيزه
و يعتبر مزار سياحي و بيتم فيه عمليات البيع و الشراء يوميا و ايام الجمعه و الأحد تعتبر الذروة علشان بيتعمل فيهم المزايدات
اول ما تعدي من البوابه هتلاقي نفسك في عالم مختلف – رمل اصفر و جمال و تجار من الجنوب .. كل دا علي مساحة ٢٥ فدان
هتستمتع هناك بتصوير البورتريه خاصه للتجار لأن ملامحهم قويه كمان زيهم مميز و اكيد هتخرج بنتائج جديده و جميله و ممكن كمان تصور الجمال و حركه البيع و الشراء

افريكا بارك

افريكا بارك

١٥ – مش لازم تسافر افريقيا علشان علشان تعرف تصور حياه بريه .. ممكن تقضي يوم في جو غابات استوائيه في افريكا بارك

المكان مش بعيد اوي .. عند الكيلو ٦٥ علي طريق مصر اسكندريه الصحراوي حوالي ساعه و نصف من رمسيس تقريبا ..

البارك عباره عن غابه مفتوحه و تعتبر اكبر حديقه حيوان في مصر و الشرق الاوسط تقريبا .. فيها عدد كبير من الحيوانات البريه المفترسه و الاليفه و الزواحف …

و الجميل هناك انك بتتفرج علي كل حاجه مباشرة و الحيوانات قدامك مش محبوسه و ممكن كمان تتصور معاها و تستمتع بجو مغامره غريب و جديد
و من اشهر الحيوانات اللي موجوده هناك النمور و اللاما و النعام و الغزلان و البغبغوات بألوانها المبهجه و القرود
و الرحله النهريه و الشلالات و الاشجار و التماسيح

و الكهف و ده اخر مكان في الغابه و دي فيه ٢٢ نوع من الزواحف و الطيور النادره
و في انشطه كتيره كمان ممكن تمارسها هناك
يعني تقدر تصور مناظر طبيعيه و حيوانات و تتصور مع الحيوانات كمان و تصور شلالات المياه و هتقضي وقت جميل
و النادي عمل رحلات كتير لأفريكا بارك مع مجموعه كبيره من المصورين و استمتعنا هناك و صورنا صور رائعه

اضف رد

لن يتم نشر البريد الإلكتروني . الحقول المطلوبة مشار لها بـ *

*